शनिवार, २६ जुलै, २००८

पाव-भजी

वाढणी:२ जणांना
पाककृतीला लागणारा वेळ:१५ मिनिटे
पाककृतीचे जिन्नस
पावाचे स्लाइस ६
चिरलेली कोथिंबीर अर्धी वाटी, हिरव्या तिखट मिरच्या ४
लाल तिखट, मीठ, हिंग, हळद
हरबरा डाळीचे पीठ १ वाटी,
तांदुळाचे पीठ ४ -५चमचे
तळायला तेल
क्रमवार मार्गदर्शन:
पहिल्याप्रथम पावाच्या स्लाइसच्या सर्व कडा काढणे. नंतर त्याचे सुरीने चार तुकडे करणे.
हरबरा डाळ व तांदुळाच्या पिठामधे चविप्रमाणे तिखट,मीठ व थोडीशी हळद आणि थोडासा हिंग घालणे. चिरलेली कोथिंबीर व बारीक चिरलेल्या मिरच्या घालून बटाटयाच्या भज्यांना भिजवतो तसे पिठ भिजवणे. (खूप पातळ पिठ भिजवू नये) पावाचे केलेले तुकडे पिठात भिजवून तांबुस रंग येईपर्यंत तळणे. ६ स्लाइसमधे २४ भजी होतील.
तांदुळाचे पिठ घातल्याने भजी कुरकुरीत होतात आणि कोथिंबीर व मिरच्या घातल्याने भज्यांना वरुन हिरवा रंग येतो म्हणून दिसायला छान दिसतात व चविला चांगली लागतात.
रोहिणी
माहितीचा स्रोत:स्वानुभव
हे मनोगत वरुण घेतले आहे.